الابطال الى فى ثانوية عامة الى خلصوا والى هايبدأوا الكلمتين دول ليكم.
أولا الى خلاص خلص فا الف مبروك ليك حتى لو انت جايب 50% انت كويس مش وحش وانت ذاكرت واجتهدت وربنا مش هايضيع تعبك وهايعوضك احسن من الى انت كنت عايزه اضعاف الأضعاف انت مش وحش ولا فاشل لأ انت بطل انك عديت بكل دا متزعلش على حاجة انت فاكر انها ضاعت منك لأ افرح على الى جاى واعرف مفيش حاجه اسمها كلية قمة او كلية قاع كلهم واحد الدكتور زى المهندس زى المحامى زى الطيار كلهم بشر فى الاخر
عايزك تفهم ان ربنا بعد عنك حاجه كان ممكن تكون ضرر ليك وبيقربلك حاجه فى الخير ودايما افتكر الٱية الكريمة اللى بتقول "وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ"
وبرضه متنساش الأية الى بتقول
"وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ ۖ وَسَتُرَدُّونَ إِلَىٰ عَالِمِ الْغَيْبِ وَالشَّهَادَةِ فَيُنَبِّئُكُم بِمَا كُنتُمْ تَعْمَلُونَ"
من الأخر ارضى بنصيبك وربنا كريم وهايراضيك
خليك عارف الشاطر الى هايعرف يوظف المجال الى دخله صح ويعرف يجيب فلوس بسرعة خش الكلية الى ربنا كتبهالك واجتهد فيها وربنا هايكؤمك من وسع بس انت توكل على الله بس ومتشيلش هم أى حاجة سيبها لربك يحلها وانت انشى فى الطريق الى ربنا ينورهولك
بالنسبة للشباب الى داخلين تالتة ثانوى السنة الجاية اجهز يابطل انت داخل على اهم مرحلة فى حياتك ودى الى بتتنقل فيها من المدرسة للكلية
خد بالك تالتة ثانوى مش اخر حاجة فى الكون ومش يوم القيامة هى سة زيها زى أى سنة والمجموع مش كل حاجة الشاطر مش الى هايجيب 90% و 100% لأ الشاطر الى هايشتغل على نفسه ويطور من نفسه انت ودايما الاستاذ بتاعى كان بيقولى مفيش حاجه اسمها اجتهد علشان توصل للى انت عايزه لأ انت اجتهد علشان تتوفق فى حياتك اجتهدت ووصلت للى انت عايزه دا توفيق من ربنا ولو اجتهم وموصلتش يبقى ربنا مخبيلك حاجة اكبر انت بس اعمل الى عليك صح والباقى بتاع ربنا انت كل الى غليك انك تذاكر ومتخافش من أى حاجة وعلى فكرة تالتة ثانوى لما تخلصها هاتعرف انها كانت كدبة كبيرة وبالونة منفوخة على الفاضى ومش المجموع الى بيحدد مستقبلك انت الى بتختار الاختيار بإيدك انت انت بطل قصتك
بالتوفيق يابطل وربنا يوفقك يارب وارضى بالتصيب الى ربنا كتبهولك
تعليقات