انا الشخص الطيب

 انا الشخص الطيب 

انا الشخص الى تلاقيه فى حاله على طول ملوش دعوة بالى حواليه ولو كلمته هاتلاقيه مبتسم دايما فى وشك 

انا الشخص الى لو صاحب حد بيبقى هايعمل اى حاجة علشان يفضل معاه بس ممكن يعمل حاجه غبية تخلى الشخص الي قدامه يكرهه بس هو مبيبقاش قصده انه يعمل كده هو مجرد بس انه بيحاول يصاحب الناس الى حواليه 

انا الشخص الى كلامه دبش وبيتكلم بعفوية على لدرجة انه  ممكن بكلمة هزار يسبب للناس الى بيحبهم مشكلة من غير مايقصد 

انا الشخص الى لو محدش صدق كلامه بينهار من العياط وبيفضل يفكر ازاى يحل مشكلته وبيبقى نفسه يسمع كلمة سامحناك بس مش اكتر 

انا الشخص الى بيبقى عنده القوة والقدرة على اى حاجة بس مابيستعملهاش غير فى مصلحة الناس الى حواليه 

انا الشخص الى ممكن بسبب طيبتى ممكن يكون الى قدامى بيتكلم عليا وانا مش فاهم انه يقصدنى 

انا الشخص الى ممكن اكون زعلان ومتدايق بس مبقولش لحد انى فى حاجة علشان مشغلش حد بيا بس لما بلاقى حد قدامى زعلان مبسيبهوش الا وهو حالته كويسه ومش شايل فى نفسه بس مبهتمش بنفسي لو انا الى زعلان 

انا الشخص الى دايما اقل كلمة ممكن تغيره من الفرح للزعل او العكس 

انا الشخص الى ممكن منامش اسبوع من الزعل بسبب ان حد قالى كلمة بالنسباله سهلة بس بالسبالى كبيرة اوى

انا الشخص الى ممكن برضه افضل فرحان اسبوع علشان حد قالى بس شكرا 

انا الشخص الى لو طلبت منه مساعدة هاتلاقيه موجود حتى لو وراه مشاغل الدنيا هاتلاقيه بيفضى نفسه علشانك وعلشان يساعدك 

انا الشخص الى بيحب الخير لغيره ومبيفكرش في نفسه ومبيعملش حساب نفسه فى اى حاجة 

انا الشخص الى بفرح لو لاقيت حد من الناس الى بحبهم مبتسم  من غير ماعرف هو مبتسم ليه حتى

انا الشخص الى لو فى بينى وبينك خلاف ولاقيتك محتاجنى برمى اى خلاف بينا على جنب علشان خاطر اساعدك 

انا الشخص الى ممكن ينسى انك سببتله اهانة فى اى وقت من الاوقات طول مانت عزيز عليه

انا الشخص الى عمرك ماتشوفنى متدايق او زعلان دايما شايفنى مبتسم حتى لو انا متدايق 

انا الشخص الى لو حصل بينى وبينك خلاف باجى اعتزرلك حتى لو انت الغلطان مبتفرقش معايا بس انت متبقاش شايل منى حاجة فى قلبك

انا الشخص الى بحس بزعل الناس التانية وبعمل اى حاجة علشان اواسيهم 

انا الشخص الى بيكتم جواه علشان مايشغلش حد بمشاكله وحوراته

انا الشخص الى دايما هاتلاقينى متواضع جدا معاك هاتلاقينى بسمعك لما تتكلم ومركز معاك جداً 

انا الشخص الى نيته دايما صافية بس بتتفهم غلط و بيسبب مشاكل كتير 

انا الشخص الى لو حد قالى كلمة حلوة او وحشة مبعرفش ارد عليه

انا الشخص الى لو اتعرف على حد بيثق فيه بسرعة 

انا الشخص الى دايما بيوضح ان كلامه هزار للى قدامة علشان محدش يزعل منه 

انا الشخص الى ممكن ادايق ناس كتير بسبب انى مبعرفش اتكلم او اتعامل مع الناس فا ممكن فى لحظة ارمى كلمة تخلى الى قدامى بيكرهنى 

انا الشخص الى دايما بيعتزر للى قدامه وبيجيب مبررات علشان موقعش نفسي فى مشكله 

انا الشخص الى دايما خايف من الدنيا والى فيها 

انا الشخص الى نادر اغضب بس لما بغضب مبشوفش قدامى 

انا الشخص الى دايما بيشكر الى حواليه على اقل حاجه 

انا الشخص الى عمره ماكره حد ولا عمل مكروه فى اى حد

انا الشخص الى مهما كبرت بعيش بقلب الطفل الصغير الى بيحب الحياة و مابيعرفش يكره او يحسد او يحقد على حد ومبيعرفش يظلم حد ودايما بيبتسم فى وش الكل 

انا الشخص الى لو اتظلمت بسكت مبتكلمش بقول بس يارب 

انا الشخص الى دايما يقول الحمد لله 

انا الشخص الى ممكن يكون غيران ان اى حد قدامه احسن منه بس بيبقى من جواه فرحان ان الى قدامه  وصل لمرحلة كويسة

انا الشخص الى لو زعلت حد منى بقعد لوحدى أعيط زى الطفل الصغير 

انا الشخص الى دايما بخاف على اصحابى وبحاول اكون ليهم مصدر ثقة بس بسبب انى ببالغ اوى بخلى الى قدامى يزهق منى ويبعد

انا الشخص الى لو اتطلب منه اى حاجة بيعملها من غير مقابل او حتى كلمة شكراً 

انا الشخص الى دايما بيتمنى الحلو لنفسه وبيتمنى الاحلى للى حواليه 

انا الشخص اللي بيبتسم فى وشك حتى لو زعلان منك 

انا الشخص الى لو صاحبت حد ببقى معاه وفى وبكمل معاه طريقه حتى لو حصل بينا خلاف بتكلم عليه كويس ومقولش عليه كلمة وحشة ابدا 

انا الشخص الى ممكن تراضيه بكلمتين واول ماتصالحه ينسى كل حاجه حصلت بينكو علشان بس تفضلو صحاب 

انا الشخص الى لو حد كسر بخاطره بيقوله شكرا من غير مايتخانق معاه 

انا الشخص الى كل حلمه انه يسمع كلمة شكرا بس 

انا الشخص الى دايما بيكون سبب فى ان الناس الى حواليه يضحكوا 

انا الشخص الى دايما بيحاول يوفى بوعد هو وعده ليك حتى لو مقدرش بيفضل يحاول يرضيك بكل الطرق

انا الشخص الى فى قلبه على لسانه دايما ومبيحبش اللف والدوران 

انا الشخص الى دايما خايف يخسر كل حاجه وبيحاول بكل الطرق انه مايبقاش فى مشاكل حواليه 

انا الشخص الى دايما بقعد لوحدى فى الضلمة 

انا الشخص الى ببقى محتاج حد اديله الأمان والثقة وافضفضله فى كل حاجه ان كنت زعلان او فرحان 

فا لو عندك صاحب بالموصافات دى حافظ عليه دا كنز غالى اوى دا الى العرب قالو عليه زمان اول المستحيلات ( يعنى مسحتيل تلاقى صاحب طيب ووفى وبيحبلك الخير على طول )