انا حاسس انى وحيد

 انا حاسس انى وحيد

الجملة دى بتتكرر فى دماغى يوم بعد التانى وخايف تتحول لحقيقة خايف اخسر كل النااس الي في حياتي خايف ابقى لوحدى خايف يحصلى حاجه وملاقيش حد يسأل عليا خايف ملاقيش حد يهون عليا حزنى او يشاركنى فى فرحى انا عامل زى الرحالة الى بيتنقل من مكان لمكان مش ثابت على حال واحد كل فترة اتعرف على ناس ويتغيروا واتعرف على غيرهم وهاكذا. 

انا اى حد بيسألنى ايه هى اكبر مخاوفى بتكون اجابتى عليه

 ( انى خايف صحابى يتخلوا عنى ويسبونى لوحدى ملاقيش حد واقف جنبى فى كل حالاتى فى الحزن و الفرح ). 

انا كل مرة بحاول ابين للناس الى حواليا من اهل او اصحاب انى شخص طيب بحب ليهم الخير اكتر من نفسي بس دايما بلاقيها جت بنتيجة عكسية بلاقى انى كل ماحاول لبين لشخص انى مهتم بيه بلاقيه بيقولى ( مش محتاجك فى حياتى ) مع انى كنت بحاول بس اخليه يدينى الامان ويثق فيا بس بلاقى الى قدامى بيقولى ( مش عايز منك اهتمام ) مش عارف الغلط فيا انا ولا فى الناس الى حواليا انهم مش فاهمينى كويس بقيت مش عارف ازاى اتعامل مع الناس بقيت اخاف اقول بس السلام عليكم ملقيش حد بيرد عليا بقيت خايف اشوف الناس الى حواليا بيهتموا بناس تانية ولما احاول اقرب منهم يبعدونى بقيت خايف اشوف صحابى بيبعدونى عنهم ومايخلونيش اشارك معاهم فى اى حاجة من الحاجات الى كنا بنعملها مع بعض زمان بقيت حاسس انهم مش بيثقوا فيا زى الاول حتى لما بيكونوا فى مشكلة مبقوش يطلبوا مساعدة منى بقيت حاسس انهم مبقوش طايقين انى اتكلم او اهزر معاهم بقيت حاسس انهم بقوا يهربوا منى علشان مايتعاملوش معايا. 

بقيت شايف كل واحد عنده شخص مميز ومفضل ليه وانا حاسس انى مش مميز عند حد مش لاقى حد يحسسنى ان انا مميز بالنسباله دايما انا مش معايا الشخص الى يقول عليا النص التانى ليه. 

كل ما ادخل فى وسط مجموعة صحاب احس انى غريب وسطهم ومش عارف اتعامل معاهم ولا هما فاهمينى. 

انا كل الى انا خايف منه هو انى  اكون لوحدي معييش حد يقول يلا نعمل اى حاجة سوا...... 

( كل الى بتمناه من ربنا انه مايجعلش صحابى والناس الى بحبهم يكرهونى بسبب اى موقف يحصل منى ويجلهم دايما جنبى فى كل حلوة ومرة ونفضل سوا لأخر العمر )( اللهم صحبة ان مت لا اموت بداخلهم )